सावित्रीबाई फुले पुणे विद्यापीठ, विद्यार्थी कल्याण मंडळ आणि दादा पाटील महाविद्यालय, कर्जत यांच्या संयुक्त विद्यमाने आयोजित 'जल्लोष २०२५' जिल्हास्तरीय/विभागीय आंतरमहाविद्यालयीन युवक महोत्सवात विद्या प्रतिष्ठानच्या कला, विज्ञान व वाणिज्य महाविद्यालयाने आपल्या उत्कृष्ट कामगिरीची जोरदार छाप पाडली.

या यशाबद्दल संस्थेचे उपाध्यक्ष ॲड अशोक प्रभुणे, खजिनदार युगेंद्र पवार, सचिव ॲड नीलिमा गुजर व सर्व व्यवस्थापन मंडळाच्या सदस्यांनी, तसेच प्राचार्य डॉ. भरत शिंदे, उपप्राचार्य डॉ. शामराव घाडगे, डॉ. लालासाहेब काशीद व महाविद्यालयातील सर्व शिक्षक, शिक्षकेतर कर्मचारी व विद्यार्थ्यांनी विजेत्या विद्यार्थ्यांचे मनःपूर्वक अभिनंदन केले.

या स्पर्धेत विद्यार्थ्यांना यश मिळवून देण्यासाठी सांस्कृतिक समन्वयक प्रा. डॉ. भिमराव मोरे, आदेश यादव व सांस्कृतिक समितीच्या सदस्यांनी विशेष मार्गदर्शन केले. तसेच दादासाहेब मगर, ज्ञानेश्वर मोरे, अंजली घाडगे, स्नेहा चौधरी, श्रद्धा हाडके व प्रणिता गणेशकर यांनी विशेष परिश्रम घेऊन विद्यार्थ्यांना यशाच्या उंचीवर पोहोचवले.

विद्या प्रतिष्ठान महाविद्यालयाच्या सांस्कृतिक संघाच्या जल्लोष २०२५ मधील या भव्य कामगिरीमुळे मागील तीन चार वर्षांप्रमाणे या वर्षीही महाविद्यालयाचा गौरव वृद्धिंगत झाला आहे.