● बारामती : प्रतिनिधी (८ फेब्रुवारी २०२४)
       न्यायालयीन खटल्यात पक्षकारांच्या वतीने लढणारे वकील आता थेट मैदानातही एकमेकां- समोर उभे ठाकणार आहेत. याला निमित्त आहे ते 'न्यायमंदिर चषक २०२४' चं. बारामती वकील संघटनेच्या वतीने महाराष्ट्रातील वकील संघांच्या राज्यस्तरीय क्रिकेट स्पर्धेचे आयोजन करण्यात आले आहे. सामान्यांचे उद्घाटन शुक्रवारी (दि.९) बारामती न्यायालयाचे अतिरिक्त जिल्हा व सत्र न्यायाधीश मा. जे. पी. दरेकर यांच्या हस्ते होणार आहे.
             सामन्यांचे आयोजन विद्या प्रतिष्ठानच्या मैदानावर करण्यात आलेले असून सामन्यांचा आनंद घेण्यासाठी उपस्थित राहण्याचे आवाहन बारामती वकील संघटनेचे अध्यक्ष ॲड. उमेश काळे व बारामती वकील क्रिकेट संघटनेचे अध्यक्ष ॲड. रणजित गावडे यांनी केले आहे. कोण होणार 'शून्यावर बाद' ते कोण राहणार 'नाबाद' यासह मुद्देसूद लढणारे वकील फलंदाजी, गोलंदाजी आणि क्षेत्ररक्षणात काय भूमिका बजावताहेत हे पाहणे औत्सुक्याचे ठरणार आहे.